| تبليغات | X |
 |
. |
قاراباغ پارتيزانلاري آزادليغا بوراخماليدير بياناتيدا دئييلير: ” جمعيتده قاراباغ پارتيزانلاري آدي ايله تانينان بير قروپ گئنجين حبسيندن ۴ ايل کئچير. اونلار ۲۰۰۳-اونجو ايل ۱۴-۱۳ آوقوست تاريخينده حبس اولونموشلار. بو گئنجلر تورپاقلاريميزين ايشغال آلتيندا قالماسينا دؤزميه رک اؤز شخصي املاکلاريني ساتميش و الده ائديلن وسايتله سيلاهلي دسته ياراتميشلار. ايستينطاق و محکمه ماتئرياللاري آيدين شکيلده گؤستردي کي، بو گنجلرين سيلاهلي دسته ياراتماقدا هئچ بير باشقا مقصدي اولماميشدير و اونلار يالنيز جبهه خطيني کئچه رک ايشغالچيلارا قارشي پارتيزان هرکاتينا باشلاماق نيتينده اولموشلار. اونلار همچي نين اللرينده اولان سيلاهلاردان هئچ بير باشقا مقصد اوچون ايستيفاده ائتمه ميشلر. بو گنجلر ۲۰۰۴-اونجو ايل دسامبرين ۲۲-سينده آغير جينايتلره داير ايشلر اوزره محکمه نين حؤکمو ايله موختليف مودتلره آزادليقدان محروم ائديلميش، ۲۰۰۵-اينجي ايل مارچين ۳۰-دا آپئللياسييا محکمه سينده، ۲۰۰۵-اينجي ايل آوقوستون ۳۱-اينده عالي محکمه ده اونلارين ايشينه يئنيدن باخيلميش، بير قروپو آزادليغا بوراخيلميش، ديگرلري نين جزا مودتي آزاديلميشدير. ۲۰۰۷-اينجي ايل مارتين ۲۰-سينده آذربايجان جمهوريتي پرئزيدئنتي نين عفو فرماني ايله داها ايکي نفر آزادليغا بوراخيلميشدير. لاکين بو شخصلردن ۱۰ نفر هله ده حبسده ساخلانيلير. اونلاردان مممد مممدوو عؤمورلوک حبس جزاسينا محکوم ائديلميشدير. مممد مممدوو اونلارين ايچريسينده ان گنجيدير، حبس اولوناندا جمعي ۲۰ ياشي وار ايدي. آتاسي يوخدور، آناسي خسته دير، ۱ کيچيک ياشلي باجيسي وار. او، حبس اولونارکن قاريشيقليق و آتيشما نتيجه سينده بير پوليس نفري هلاک اولموشدور. م.مممدوو اونون اؤلومونده ايتتيهام اولونموشدور. بو مثله ايله باغلي محکمه ماتئرياللارينداکي جيدي ضيديتلر، م. مممدووون گنجليگي، ايلک دفعه جينايت تؤرتمه سي نظره آلينماميش و اونا حرکتلرينه اويغون اولمايان چوخ آغير جزا وئريلميشدير. رؤوشن بدلوو ۹ ايل آزادليقدان محروم ائديلميشدير. او، قاراباغ موحاريبه سينده ايشتيراک ائتميش و رشادتله دؤيوشموشدور. اونون هيمايه سينده ۱ اؤولادي و ائرمني بومباردمانلاري نتيجه سينده گؤزوندن شيکست اولموش آناسي واردير. خيزير مارقاشويلي ۹ ايل حبس جزاسينا محکوم ائديلميشدير. اونون هيمايه سينده آزياشلي اوشاغي واردير. ميلليتجه چئچئن اصيلليدير. اونون دسته نين ايشينده ايشتيراکي ايله باغلي چوخلو ضيديتلي مقاملار واردير. مهممد مممدوو ۷ ايل مودتده آزادليقدان محروم ائديلميشدير. عؤهده سدينده ۲ آزياشلي اوشاغي واردير. موشويق قوربانوو ۷ ايل آزادليقدان محروم ائديلميشدير. عؤهده سينده ۳ آزياشلي اوشاغي واردير، قارداشي قاراباغ موحاريبه سينده شهيد اولموشدور، ديگر قارداشي قاراباغ موحاريبه سينده عليل اولموشدور، آناسي آغير خسته دير. عدالت آغايئو ۶ ايل ياريم مودته آزادليقدان محروم ائديلميشدير. ايدمانچيدير، دفعه لرله آذربايجان و بين الخالق تورنيرلرده يوکسک يئرلر توتموشدور. بير آزياشلي اوشاغي واردير، آناسي آغير خسته دير. فاريز حاجييئو ۵ ايل آزادليقدان محروم ائديلميشدير. سوبايدير، حبس اولوناندا ۲۱ ياشي اولموشدور. ياشار مممدوو ۵ ايل مودتده آزادليقدان محروم ائديلميشدير. هيمايه سينده ۲ آزياشلي اوشاق واردير. فئيروز بابايئو ۵ ايل مودته آزادليقدان محروم ائديلميشدير. اونون قارداشي اليرزا بابايئو باشقا بير اويدورما ايشله باغلي ايتتيهام اولوناراق ۱۴ ايل مودته آزادليقدان محروم ائديلميشدير. هيمايه سينده ۱ آزياشلي اوشاق واردير. قاراباغ آزادليق تشکيلاتي حساب ائدير کي، بو گنجلره قارشي بؤيوک عدالتسيزليک ائديلميشدير. اونلارين هر بيري حرکتلرينه اويغون اولمايان آغير جزالار آلميشلار، اونلارين ايستينطاقي و محکمه سي گئديشينده جيدي پروسئدور پوزونتولارينا يول وئريلميشدير. اونلار کونستيتوسييا هوقوقلاريندان ايستيفاده ائده رک تورپاقلاريميزين ايشغالينا، اراضي بوتؤولوگونون پوزولماسينا قارشي اؤزلري نين درک ائتديکلري فورمادا موقاويمت گؤسترمه يه جهد ائتميشلر. اونا گؤره ده، اونلارين هر بيري سياسي مهبوس و ويجدان مهبوسو بؤلومونه اويغون گليرلر. بوندان باشقا، اونلارين هر بيري نين قاراباغ موحاريبه سينده ايشتيراکي، هيمايه لرينده آزياشلي اوشاقلارين اولمالاري نظره آلينماليدير. اونلارين بوندان سونرا دا حبسده ساخلانيلماسي داها بؤيوک عدالتسيزليکدير. بو گنجلرين يالنيز وطني سئوديکلرينه، ايشغالچيلارا قارشي موباريزه آپارماق ايسته ديکلرينه گؤره حبسده ساخلانيلمالاري اينسانليق و دؤولتچيليکله بير آرايا سيغمير. بيز حساب ائديريک کي، قاراباغ پارتيزانلاري نين هله ده حبسده ساخلانيلماسي نين سببي بعضي مأمورلارين، هوقوق-موحافيظ ه اورقاني رهبرلري نين غرضلي موناسيبتي نين نتيجه سيدير. عئيني زاماندا هوقوق مودافيعه چيلري نين بو گنجلرين طالعيينه داها ديقتله ياناشماسينا دا احتيياج واردير. بو وطنپرور گنجلرين حبسده ساخلانيلماسي حربي وطنپرورليک تربييه سينه منفي تاثير گؤسترير و دوشمنين ماراقلارينا خيدمت ائدير. بونو حاکيميت، هوقوق مودافيعه چيلري، هر بير شخص بيلمه لي و بو گنجلرين آزادليغا چيخماسي اوچون واجيب آدديملاري آتماليدير “.
|
، بیر میللتین سسی