ايرانلي هوقوق مودافيعه چيسي: « ايراندا اعدام اولونانلارين بير چوخو سياسي فعاللاردير»

بين الخالق هوقوق مودافيعه چيلري نين فيکرينجه، ايراندا آيري-آيري مادده لرله اعدام اولونانلارين بير چوخو سياسي فعاللاردير. ” دونن ايراندا اعدام اولونان ۲۱ نفرين چوخو سياسي فعاللاردير- دئيه، آلمان-دا فعاليت گؤسترن ايرانلي هوقوق مودافيعه چيسي و دونيادا اعدام علئيه اينه کامپانييانين سدري مينا احدي بيلديريب.

چرشنبه گونو ايرانين خراسان و شيراز شهرلريده، اؤنجه دن خبردارليق ائتمه دن ۲۱ نفر محکوم اعدام اولونوب. رسمي معلوماتا اساسن، اعدام اولونانلار دلدوزلوق و «يئر اوزونده فساد تؤرتمک» مادده لري ايله محکوم اولونموشدولار. آلمان-دا ياييملانان «فرانکفورتئر آلئگماينه» قازئتي نين معلوماتينا اساسن ، کئچن ايکي ايلده ايراندا ان آزي ۴۵۰ نفر آسيليب.

مينا احدي جومه آخشامي فرانکفورتدان تئلئفونلا ” [1] ترند ” -ه بيلديريب: «ايراندا حاکيميت دله دوزلوق (دله دزد) و «يئر اوزونده فساد تؤرتمک» ايتتيهامي ايله کئچن آيلار عرضينده چوخلاريني اعدام ائديب. ۱۹۸۸-اينجي ايلين ياي آيلاريندا مينلرله اينسان عئيني ايتتيهاملارلا ايراندا دارا چکيليب و بيزيم فيکريميزجه ، حاضيردا ايجرا اولونان اعداملار ۸۸-اينجي ايلده کي کيمي ، سياسي اعداملاردير و حاکيميتين بو اعداملاردان مقصدي ايران جمعيتينده قورخو ياراتماقدير».

ايرانلي هوقوق مودافيعه چيسي بيلديريب کي، اعدام اولونانلارين هانجي جينايتده ايتتيهام اولونماسي، هانسي محکمه لرده، شرايتده و هانسي وکيل ،مودافيه چي ايله محکوم اولدوقلاري معلوم دئييل. ” ايران حاکيميتي ايراندا عوصيان ائدنلري مئيدانلاردا هامي نين گؤزو قاباغيندا دارا چکير. بونون سببي ايسه، جمعيتده قورخو ياراتماقدير. ايراندا اعداملارا قارشي دونيادا چوخلو اعتيراضلارا شاهيديک. کئچن هفته ايرانين حبسخاناسيندان اعداما محکوم شخصلر بين الخالق اينسان هاقلاري مودافيعه چيلرينه، اونلارين اعداملاري نين ايجراسي نين قاباغيني آلماق اوچون مکتوب يازيبلار ” ،- دئيه مينا اهدي بيلديريب. او علاوه ائديب کي، سپتامبرين ۷-سينده دونيانين ۱۲ شهرينده اعتيراض آکسييالاري کئچيريله جک.

ايرانلي هوقوق مودافيعه چيسي بيلديريب کي، فرانکفورتدا بو موناسيبتله بو گون بين الخالق اينسان هاقلاري مودافيعه کوميته سي ايله بيز بيرگه متبوات کونفرانسي کئچيرديک. «بيز بو متبوعات کونفرانسيندا ايراندان دا موهممد موستفايي آدلي بير وکيل دعوت ائتميشديک. تأسوف کي، گله بيلمه ييب. بيز چاليشيريق قرب هؤکومتلريندن ايراندا اعداملارين قاباغيني آلماق اوچون يارديم آلاق. دونن ايسوئچين خاريجي ايشلر نازيري ايله گؤروشموشوک و بو باره ده صؤحبت ائتميشيک. بير چوخ اؤلکهلر بيزيمله برابر بو اعتيراضلارا قوشولوبلار ” -دئيه، مينا احدي بيلديرب.trend